السلااام عليكم ورحة الله
وبركاته......
كيفكم إخوتي ....اليوم حابي احكيلكم عا
حمص....
وأهل حمص....
مدينة حمص مدينة صغيرة بس مين من زارها بحس حاله ببيته لأنو
أهلها أطيب أهل ممكن تقابلهم أو تعيش معهم.......
الحماصنة ناس عنجد جدعان وخفاف دم كتير يعني اذا بدك تزورنا
جهز حالك للضحك والتنكيت المستمر.....شعارهم اضحك للدنيا تضحك الدنيا لك..
وين مامشيت بضل بتسلم عاهاد وتحاكي هاد لأنو عنا كله بيعرف
كله ...يعني لوكنت من آخر ما عمر الله إلا ما يطلع ابن خال ابن عمة ستك
قريبي وبيعرفني......
وقت المباريات عنا استنفار بحمص.....وأوعك أوعك تسب
عالكرامة أو الوثبة...صحيح منتخباتنا بسيطة.... بس هدول مننا
وفينا...وممنوع اللمس أو الخدش ولو بكلمة.......
بحمص بتلاااقي جامع خالد بن الوليد المكان اللي بتلاقي فيه
ناس من كل الأشكال.....كلهم جايين سيران أوليطعموا الحمام....أصله أدام
الجامع في ساحة كبيرة مليانة حمام وخود مناظر بتشلع القلب بكير وقت بيلتم
الحمام عا بقايا الأكل....
بتلاااقي شارع الملعب.....شارع القهاوي والتدريجة للصبايا
والشباب.....وبتسمع عند كل صلااة عشاء صوت الشيخ محمود الدالاتي عم يدعي
ويصلي....والله صوته بينشل القلب من مكانه.....
وبتلااقي منطقة الغوطة شارع الناس الشيك ووين من كنت رايح
بدك تمر من هالشارع.....هادا الشارع ملتقى
الأحبة.......والرومانسية....لأنك بتمشي والشجر حواليك من كل
جهة.......والا ما تلاقي تنين مخطوبين ماسكين ايدين يعض وماشين...أو مرة
وجوزها وولادن...أو أم مستندة عا ابنها بكل حنية....
شارع الدبلااان...(سوووق الصبايا)شو ما بدك بتلاااقي أيام
الامتحانات بتلاقي البنت عم تقول لأمها بدي انزل عالدبلااان.....بدي رووح
عالسوق....وبعد ما بتخلص تفتيل بتختم مشوارك بكنافة بالجنة زي العسل من عند
المعراوي...(أهل الشاام)...ما بتنسى طعمتها بحياتك.....واذا كنت
جوعاااااااااااااان بوجهك عا(كريش)محل ما في منه تنين بسوريا....محل الوجبات
السريعة....نمبر ون بحمص.........الله وكيلكن فلس أهالي حمص.....
أما الحمراء آه عالحمراء منطقة الناس الأكابر ...ووسط
حمص....وين ما مشيت بتلاااقي معسكرات شباب متجمعين لأنو الكل بحب الحمراء
والكل بيجي عليها لأنه فيها محل الحلاااق المشهور (رامي)ونص أهل حمص
بيحلقوا عنده........
شو بدي احكيلكم هادا اللي تذكرته.....هلأ...بس لسا في حكي
كتير عن الوعروالحضارة....وكتير أماكن حلوة.....
راح اختم موضوعي بمتل بضل الوالدي بتقلي ياه.....
الشام بمياتها وحلب بأكلاتها وحمص ببناتها......
لأنو عنا بحمص بنات كتير حلوين ومؤدبيين
وخلوقين.....وياويلها اللي بتمشي هيك وهيك(بتنفضح وبتصير صفحتها سودة
عاقولة ماما)....يعني المختصر المفيد اللي بده يخطب يجي
لعنا......ههههههههههههههههه والله مزح
وبركاته......
كيفكم إخوتي ....اليوم حابي احكيلكم عا
حمص....
وأهل حمص....
مدينة حمص مدينة صغيرة بس مين من زارها بحس حاله ببيته لأنو
أهلها أطيب أهل ممكن تقابلهم أو تعيش معهم.......
الحماصنة ناس عنجد جدعان وخفاف دم كتير يعني اذا بدك تزورنا
جهز حالك للضحك والتنكيت المستمر.....شعارهم اضحك للدنيا تضحك الدنيا لك..
وين مامشيت بضل بتسلم عاهاد وتحاكي هاد لأنو عنا كله بيعرف
كله ...يعني لوكنت من آخر ما عمر الله إلا ما يطلع ابن خال ابن عمة ستك
قريبي وبيعرفني......
وقت المباريات عنا استنفار بحمص.....وأوعك أوعك تسب
عالكرامة أو الوثبة...صحيح منتخباتنا بسيطة.... بس هدول مننا
وفينا...وممنوع اللمس أو الخدش ولو بكلمة.......
بحمص بتلاااقي جامع خالد بن الوليد المكان اللي بتلاقي فيه
ناس من كل الأشكال.....كلهم جايين سيران أوليطعموا الحمام....أصله أدام
الجامع في ساحة كبيرة مليانة حمام وخود مناظر بتشلع القلب بكير وقت بيلتم
الحمام عا بقايا الأكل....
بتلاااقي شارع الملعب.....شارع القهاوي والتدريجة للصبايا
والشباب.....وبتسمع عند كل صلااة عشاء صوت الشيخ محمود الدالاتي عم يدعي
ويصلي....والله صوته بينشل القلب من مكانه.....
وبتلااقي منطقة الغوطة شارع الناس الشيك ووين من كنت رايح
بدك تمر من هالشارع.....هادا الشارع ملتقى
الأحبة.......والرومانسية....لأنك بتمشي والشجر حواليك من كل
جهة.......والا ما تلاقي تنين مخطوبين ماسكين ايدين يعض وماشين...أو مرة
وجوزها وولادن...أو أم مستندة عا ابنها بكل حنية....
شارع الدبلااان...(سوووق الصبايا)شو ما بدك بتلاااقي أيام
الامتحانات بتلاقي البنت عم تقول لأمها بدي انزل عالدبلااان.....بدي رووح
عالسوق....وبعد ما بتخلص تفتيل بتختم مشوارك بكنافة بالجنة زي العسل من عند
المعراوي...(أهل الشاام)...ما بتنسى طعمتها بحياتك.....واذا كنت
جوعاااااااااااااان بوجهك عا(كريش)محل ما في منه تنين بسوريا....محل الوجبات
السريعة....نمبر ون بحمص.........الله وكيلكن فلس أهالي حمص.....
أما الحمراء آه عالحمراء منطقة الناس الأكابر ...ووسط
حمص....وين ما مشيت بتلاااقي معسكرات شباب متجمعين لأنو الكل بحب الحمراء
والكل بيجي عليها لأنه فيها محل الحلاااق المشهور (رامي)ونص أهل حمص
بيحلقوا عنده........
شو بدي احكيلكم هادا اللي تذكرته.....هلأ...بس لسا في حكي
كتير عن الوعروالحضارة....وكتير أماكن حلوة.....
راح اختم موضوعي بمتل بضل الوالدي بتقلي ياه.....
الشام بمياتها وحلب بأكلاتها وحمص ببناتها......
لأنو عنا بحمص بنات كتير حلوين ومؤدبيين
وخلوقين.....وياويلها اللي بتمشي هيك وهيك(بتنفضح وبتصير صفحتها سودة
عاقولة ماما)....يعني المختصر المفيد اللي بده يخطب يجي
لعنا......ههههههههههههههههه والله مزح